نصائح هامه لازم قبل شراء #الذهب 

فى شويه نصائح لازم نكون عارفينها كويس ونتبعها قبل شراء الذهب هنحاول نجمعها فى نقط بسيطه ..

1- سعر الذهب .. لازم نعرف سعر الذهب كويس ونعرف تحديداً سعر العيار اللى عاوزين نشتريه 

حملى الابلكيشن او ادخلى ع الموقع فى نفس اللحظه اللى انتى موجوده فيها فى المحل علشان السعر بيتغير فى لحظه 

2- لازم تحددى الرينج اللى انتى عاوزه تشترى بيه وتعرفى هو كام جرام علشان تطلبى من الصائغ الوزن اللى فى الرينج ده علشان انتو الاتنين تختصرو الوقت والمجهود 

3- لازم تشوفى اكتر من محل لان مش كل المحلات عندها نفس المشغولات وممكن تشوفى موقعنا isagha.com هتلاقى بعض المحلات وقريباً عدد المحلات هيغطى مصر كلها باذن الله 

4- شوفى البراندات واعرفى ايه منه بيسترد بالفصوص وايه لا لأن ده مهم جداً

5- حددى البراند واسألى عن مصنعيته فى 3 اماكن او ادخلى على موقعنا وشوفى المصنعيات واختارى المحل الأقرب ليكى والأقل مصنعيه

6- افحصى القطعه كويس جداً واتاكدى انها مش مستعمله وده هيظهر لو مخدوشه او مطفيه او الفصوص مش زاهيه 

7- اطلبى من الصائغ انك تشوفى الميزان ده حقك وعاده بيكون فى شاشه عرض للميزان واضحه 

8- اطلبى انك تفهمى الحساب #الصائغ مش بيزعل من حد عاوز يفهم بالعكس بيتضايق من اللى مش فاهم لانه بيتعبه فى الحساب 

9- ماتحاوليش تفاصلى كتير .. 

بكام ؟ 

بكذا ..

طيب عاوزه خصم .. 

اوك .. 

شكراً. 

خلى الموضوع بسيط وبلاش تضايقى الصائغ لانه بردو انسان ?

الاسطوره بتقول ان اكتر ست بتفاصل هى احسن واحده يضحك عليها بسهوله ???

10- بعد ما تقررى قرار نهائى اطلبى من الصائغ نزع التكت الورقى "ان وجد" وخصم ثمنه ان كانت القطعه اتحسبت بيه 

11- اطلبى فاتوره واضحه .. فيها وصف المشغولات ولو اكتر من قطعه يبقى كل قطعه تتكتب منفصله وزناً ومفيش مشكله لو السعر إجمالاً ، مهم جداً بيانات الفاتوره تكون واضحه وتكون مختومه 

آى صاغه #i_sagha بتقولك خدى بالك من نفسك