الدولار هبط .. الذهب ارتفع ليه !؟

بعد ما حقق الدولار هبوط وصل حوالى 25 قرش يوم الأحد الماضى بدأنا ننتظر هبوط قوى للذهب وبالفعل هبط الذهب تانى يوم مباشره اكتر من 10جنيهات لكن لم سيتمر الهبوط كثيراً .. ليه ؟! بل بالعكس بدأ الذهب فى التعافى مره اخرى بل وعوض خسارته سريعاً وعلشان نفهم السبب لازم نفهم العلاقه اللى اتكلمنا عنها اكتر من مره بين الأضلاع الاساسيه اللى دائماً بتتحكم فى اتجاه الذهب الضلع الاول هو سعر الدولار محلياً الضلع الثانى هو سعر الاوقيه عالمياً الضلع الثالث هو سعر الدولار عالمياً طيب ايه اللى حصل ببساطه خلى الذهب يعوض خسائره بل ويرتفع اكثر !؟ سعر الاوقيه عالمياً ارتفع لدرجه انها عوضت فرق هبوط الدولار محلياً وكمان تخطته وشوفنا الذهب عند 558ج علشان كده لازم نفهم ان مش بس الدولار محلياً هو اللى بيحرك سعر الذهب ارتفاعاً وهبوطاً لكن فى لاعب تانى اساسى وهو السعر عالمى. دمتم فى امان الله ورعايته