ثقتكم فينا غاليه علينا جداً جداً جداً 

لدرجه اننا مقدرناش نقدر الثقه دى بثمن حقيقى 

ومش هنقبل اننا نبيع الثقه دى بأى ثمن ..

لما اتكلمنا فى قضيه الفصوص آى صاغه #i_sagha كانت من اول الجهات اللى قررت تخوض المعركه دى مش بس علشانكم أنتم لكن كمان علشان #سوق_الذهب فى #مصر يستحق انه يتصدر الاسواق العالميه بجد .. احنا عندنا احسن وأفضل ديزاينرات واحسن صنايعيه .. عندنا شركات وصلت بالفعل للعالميه ونافست بقوه احنا مش ااقل من الهند ولا إيطاليا ولا حتى تركيا الناس دخلت السوق العالمى بعدنا بكتير  

لكن لما حاولنا نبحث عن الشركات اللى ملتزمه باستلام مشغولاتها "بناء على وجهه نظرنا" لقينا عدد قليل جداً من الشركات اللى مفيش عليها خلاف وعدد آخر اكبر ناس كتير اختلفت عليها ومحلات كتير أتأذت بسببها وانتم زيهم 

فى الحقيقه منقدرش ننكر تعاون كتير الشركات معانا واكتر من شركه بعتولنا انهم ملتزمين ومنهم شركات كبيره وشركات صغيره كنّا اول مره نسمع عنها ...

بس خلاف #اصحاب_المحلات حول جديه الشركات دى فى استلام مشغولاتها خوفنا جداً على ثقتكم فينا 

قررنا فوراً نوقف الاعلان عن جميع الشركات  

واحنا نعتذرلكم جداً عن ده ..

ودلوقتى ييجى السؤال الاهم ..

ايه هى المعايير اللى تحبو أنتم كمشترين او اصحاب محلات انها تكون موجوده علشان نعلن عن اسم شركه معين انها بتستلم مشغولاتها بدون خصم وزن الاحجار ؟؟؟

احنا فى انتظار اقتراحاتكم ... وهنكمل معاكم ومش هنعرف نكمل الا بيكم أنتم .