حصاد عام 2017

حصاد عام 2017

لما بدأنا فى آى صاغه #i_sagha مكناش نتخيل حجم الاهتمام اللى شوفناه ده ابداً .. اتقدمنا بيكم وبنينا الثقه معاكم سواء كُنتُم مستخدمين او #اصحاب_المحلات ...

وبفضل الله الجميع شهد لينا بدقه أسعارنا وبَقى الابلكيشن فى معظم المحلات ..

التزمنا تماماً بالحيادية وترفعنا عن اى انحياز

النهارده هنعرض لكم كشف حساب عن كل الإنجازات اللى حققناها بيكم ومعاكم واللى انتو ليكم الفضل فيها بعد ربنا سبحانه وتعالى

*احنا معاكم أنشأنا اول ابلكيشن فى مصر لاسعار #الذهب المحليه

*احنا معاكم أنشأنا اول سوق الكترونى للذهب فى مصر والوطن العربى واللى واخد الترتيب الاول #1 فى مصر فى هذا المجال وهو لسه فى "المرحله التجريبيه"

*احنا معاكم أنشأنا اول قسم للتحليلات الفنيه للذهب محلياً تحديداً اللى قدمنا فيه ما يقرب من 30 تقرير فى اخر 6شهور بس

نسبه التقارير الناجحة الى الغير ناجحه هى 80‎%‎ناجحه الى 20‎%‎غير ناجحه

يعنى اللى بدأ معانا حقق مكسب ممتاز جداًجداً بفضل الله

*بيكم انتم وصلنا لما يقرب من 100الف على صفحتنا على الفيس بوك حققنا من خلالها اكثر من 12 مليون مشاهده للبيدج

*بيكم انتم حققنا نجاح باهر بعدد تحميلات الابلكيشن اللى وصلت لحوالى 50الف تحميله حققنا منها ما يقرب من 6مليون مشاهده للأبلكيشن

*علشانكم بدأنا نعمل إتفاقات مع الشركات علشان تعمل خصم للمحلات اللى هتسجل نفسها معانا على الموقع .

*علشانكم بدأنا نعمل اتفاقات مع المحلات علشان تعمل خصومات لحضراتكم

*على مدار 11الف ساعه تشغيل للأبلكيشن لم تتوقف الخدمه خلالها الا 14ساعه بس منهم ساعتين او ثلاثه بس اللى اثروا على الخدمه

دلوقتى احنا رقم #1 فى #مصر بيكم انتم

شكراً لكل حد فيكم كتب كلمه "متابع" او "تم" او حتى حرف "م" ... شكراً لكل حد حط لايك او عمل شير

شكراً لكل حد شجعنا وقاللنا استمروا

وشكراً الف شكر لكل حد هاجمنا او حاول يوقفنا ويحبط من عزيمتنا لأنه ادانا اصرار اكتر اننا نكمل ..

شكراً ليكم جمهور آى صاغه العظيم